टाटाको कार किन्नेलाई हेलिकप्टरबाट लाङटाङ लगेर साँचो

नेपालको सडक सुहाउँदो सवारी साधनका रूपमा ख्याति कमाएको टाटा ब्रान्डका गाडी नाडा अटो सोमा पनि आकर्षणको केन्द्र बनेको छ  । नेपालमा टाटाको आधिकारिक बिक्रेता सिप्रदी ट्रेडिङले नाडा अटो सोमा ९ प्रकारका गाडी राखेको छ । 

टाटाको मुख्य आकर्षणका रूपमा भारतबाट भित्र्याइएको टिगोर इभी इलेक्ट्रिकल कार रहेको छ । जुन कार भारतमा समेत लन्च भएको छैन भने नेपालमा प्रदर्शनका लागि राखिएको छ । अर्को नेक्सनको एएम्टी गाडी छ, जुन हालसालै लन्च भएको हो । अर्को हेग्जा र ट्यागो राखिएको छ । साथै थप दुईवटा मोडेल पनि थप गर्ने तयारी भइरहेको, जेस्ट र नेक्सनको ड्युल कलर नेक्सन पनि राखिएको कम्पनीका महाप्रवन्धक प्रवीन खतिवडाले रातोपाटीलाई जानकारी दिए । 

महाप्रवन्धक खतिवडाले भने– ‘नाडा अटो सोमा राखिएको टाटाको सबैभन्दा राम्रो भनेको इकोनोमी हो । सबै गाडीहरूको मूल्य उपयुक्त छ । सबै ठाउँमा स्पेयर पार्टस पाउन सकिन्छ । साथै धेरै ठाउँमा सर्भिस सेन्टर पनि रहेको छ । गाडीहरू पनि आकर्षक रहेका छन् । सस्तो पनि छ । उपभोक्ताई राम्रो प्याकेज दिइरहेका छौँ ।’ 

नेपालमा टाटाका ट्यागो टिगोरदेखि जेस्ट बोल्ड, नेक्सन, हेग्जा सुमो गोल्ड गरी ९ वटा उत्पादनहरू नाडा अटो सोमा राखिएको छ । 

यस्ता छन् टाटाका गाडीहरूका विशेषता

टाटाका गाडीमध्ये उपभोक्ताले सबैभन्दा धेरै रुचाइरहेका गाडीमध्ये एक हो– टाटा नेक्सन ।  भारतमा लन्च भएको ३ महिनाको अन्तरालमा यो गाडी नेपालमा भित्र्याइएको थियो । यसबाट उपभोक्ताले राम्रो सुविधा पाइरहेको कम्पनीको भनाइ छ । यसको ग्राउन्ड क्लियरेन्स २ सय १० को छ । स्टाइलिस, लुक्स सबै कुरामा कम्फर्टेबल रहेको छ । इन्फोटेन्मेन्ट सिस्टम पनि यसमा नयाँ रहेको छ । यसको सुविधाअनुसार आकर्षक मूल्य रहेको महाप्रवन्धक खतिवडाले बताए ।

अर्को आकर्षक गाडीमध्ये एक हालै लन्च भएको अटोमेटिक भर्सन एएमटी हो । यसमा अटोमेटिक म्यानुअल गेयर सिस्टम रहेको छ । गाडीलाई अटोमेटिक रूपमा र म्यानुअल्ली रूपमा पनि सञ्चालन गर्न सकिन्छ । माइलेजको सन्दर्भमा कुनै कन्प्रमाइज नगरी टाटाले एमटी गाडी ल्याएको छ । उपभोक्ताको सकारात्मक प्रतिक्रियाले कम्पनी निकै उत्साहित भएको खतिवडाको भनाइ छ । 

नेपालको सडक सुहाउँदो

भारत र नेपालको सडकमा खासै अन्तर छैन । भारतमा बनेका गाडी नेपालका लागि बढी ग्राउन्ड क्लियरेन्सलाई बढी प्राथमिता दिइएको हुन्छ, जसका कारण टाटाका गाडीहरू नेपालको सडकमैत्री रहेको छ । 

प्रयाप्त सर्भिस नेटवर्क

टाटाको नेपालमा सबैभन्दा ठूलो बिक्रीका लागि २० वटा सर्भिसिङ नेटवर्क र २५ वटा सेल्सको नेटवर्कको रहेको छ । अपर मुस्ताङमा समेत टाटाको सर्भिस सेन्टर रहेको छ । नेपालको जुनसुकै ठाउँमा जाँदा पनि ढुक्क भएर टाटाको स्पेयर पार्टस नपाएर रोकिएर बस्नुपर्ने अवस्था नआउने कम्पनीले जनाएको छ । 

टाटाको अटोमेटिक गेयर सिस्टमबारे उपभोक्ता परिचित हुँदै गएका छन् । क्लच लिइराख्नु नपर्ने, क्लच फ्री ड्राइभिङ भएकाले आरामले गाडी चलाउन सकिन्छ । म्यानुअलमा चाहिँ आफ्नो हिसाबले गाडी चलाउन सकिन्छ । अहिले अटोमेटिक सिस्टमलाई पनि उपभोक्ताले रुचाउँदै गइरहेका छन् । 

मोडलअनुसार विशेष उपहार योजना

नाडा अटो सोमा मोडल अनुसार विशेष उपहार योजना पनि राखिएको छ । टाटाका गाडी खरिदमा ४ लाख रुपियाँ छुट, इन्सुरेन्स, प्राइभेट हेलिकप्टरमा लाङटाङमा लगेर साँचो हस्तान्तरण गर्ने आकर्षक प्याकेज पनि बनाइएको छ । यो नाडा अटो सोमा गाडी खरिद गर्नेहरूका लागि लागू हुने महाप्रवन्धक खतिवडाले जानकारी दिए । 

उनका अनुसार दसंैतिहारका लागि पनि यो स्किमलाई निरन्तरता दिइने कम्पनीको योजना छ । नेपालभरी सर्भिस सेन्टरको सञ्जाल भएको, सर्भिस दिने मामिलामा बलियो रहेको, गुणस्तरीयतालाई ध्यान दिने भएकाले उपभोक्ता सन्तुष्ट रहेको उनको भनाइ छ । 

 

 

Download

Archive

सिस्टम र टिमवर्कले सफल बनेको सिप्रदीको कथा
राजनबाबु श्रेष्ठ, नेपालकै सबैभन्दा ठूलो अटोमाबोइल कम्पनी ‘सिप्रदी’ ट्रेडिङका प्रमुख कार्यकारी अधिकृत (सीईओ) हुन् । भारतीय टाटा मोटर्सको नेपालका लागि आधिकारिक विक्रेता ... 02 September 2018
टाटा मोटर्स स्वावलम्बी अभियान
४ माघ, काठमाडौँ । नेपालका लागि टाटा मोटर्सको एकमात्र अधिकारिक वितरक, सिप्रदी ट्रेडिङ्ग प्रा. लि. ले विभिन्न कारण वश विदेशबाट नेपाल फर्किएका युवाहरुलाई ... 17 January 2021
टाटा मोटर्सको पिकअप र कार्गो खरिद गर्ने ग्राहकहरुलाई सांग्रिला डेभलपमेन्ट बैंकको बिना कुनै थप धितोको सहुलियत कर्जा
  - टाटा मोटर्सको पिकअप र कार्गो गाडी खरिदको लागि बिना कुनै थप धिताको सहुलियत कर्जा - सांग्रिला डेभलपमेन्ट बैंकबाट बिना कुनै थप धितो ... 30 June 2021
टाटाको बहुप्रतिक्षित नेक्सन ईभी अब नेपालमा
मुल्य रु ३५ लाख ९९ हजार  नेपालमा विद्युतीय सवारी साधन (ईभी) को प्रयोगलाई प्रोत्साहन गर्ने उद्देश्य स्वरुप टाटा मोटर्सको नेपालस्थित आधिकारिक विक्रेता सिप्रदी ... 27 July 2021
9802333150 9801123001