सिप्रदी ट्रेडिङ्ग प्रा. लि. र टाटा मोटर्सको आयोजनामा नेपाल टिपर तथा ट्रक व्यवसायी संघ, कलंकी काठमाडौंमा आवद्द आफ्ना ग्राहकहरुलाई BSIV र BSVI सम्बन्धी तालिम अनलाईन मार्फत गराएको छ । उक्त तालिममा संघका विभिन्न ग्राहकहरु गरेर १५ जनाको सहभागितामा रहेको थियो । टेक्नोलोजीका गाडीहरुमा के कस्ता नयाँ टेक्नोलोजी भित्रिएका छन् , गाडीका नयाँ प्रविधीलाई कसरी सहजीकरण गर्ने र यसका फाईदाहरु के के छन् भन्ने विषयमा तालिममा छलफल गरिएको थियो । आगामी दिनमा यस किसिमका महत्वपूर्ण तालिमहरु आफ्ना चालक तथा सहचालकलाई पनि दिनुपर्ने कुरा उक्त तालिममा व्यवसायीहरुले राख्नुभयो ।

 

सिप्रदी ट्रेडिङ्ग प्रा. लि. र टाटा मोटर्स नेपालका ग्राहक सेवा महाप्रबन्धक श्री सामदेन लामाले अबको युग भनेको नविनतम प्रविधीको युग भएको र आउने दिनहरुमा आफ्ना ग्राहकहरुलाई विश्वस्तरिय प्रविधीको साथ निरन्तर उच्चस्तरिय सेवा दिने बारेमा विश्वास दिलाउनुभयो । 

 

उक्त तालिममा नेपाल टिपर ट्रक व्यवसायी समिती, कलंकीका अध्यक्ष श्री राम कुमार चापागाइ पनि सहभागी हुनुहुन्थ्यो र यसरी अनलाइन मार्फत ग्राहक, व्यवसायी तथा देशभित्र विभिन्न प्राबिधिकहरुलाई दिईरहनु भएको BSVI तालिमका लागि धन्यवाद दिनुभयो ।

 

यो तालिममा BSIV गाडीहरुको प्राविधिक तथा सैद्धान्तिक ज्ञान विस्तृत रुपमा दिएको थियो भने निकट भविष्यमा आइरहेका BSVI गाडीहरुको भने परिचित कार्यक्रम रहेको थियो ।  

 

यसका साथै सिप्रदीले सरकारद्वारा जारी गरिएको लकडाउनको नियम पालना गर्दै आकस्मित सेवा प्रदान गर्दै आएका सवारी साधनहरुको लागि २४सै घण्टा सेवा दिइरहेको छ । केही परि आएको अवस्थामा १६६००१५५७७७ NTC वा ९८०१५७५७७७ NCELL मा सम्पर्क गरेर २५ स्थानबाट सेवाका लागि परिचालित कम्पनीको डेडिकेटेड अधिकारीहरूलाई फोन सम्पर्क गर्न सक्नुहुन्छ ।