BSIV र BSVI सम्बन्धी टाटा गाडीको तालिम सम्पन्न
14 April 2020
टाटा मोटर्सको नेपालको लागि एक मात्र अधिकारक बिक्रेता सिप्रदी टेडिङ्ग प्रा. लि.ले आफ्ना कर्मचारीहरुको लागि अनलाईन मार्फत तालिम कार्यक्रम सञ्चालन गरियो ।
उक्त BSIV र BSVI सम्बन्धी तालिम टाटा मोटर्स नेपाल र टाटा मोटर्स भुटान गरेर ५६ कर्मचारीहरुको सहभागितामा रहेको थियो । यस तालिमलाई अन्तर्रा्ष्ट्रिय ट्रेनर तथा (Cummins Engine India) कमिन्स इन्जिनका विज्ञ श्री श्रीनिवास सिंहले टाटा मोटर्सको सहयोगमा भारतबाट संचालन गर्नु भएको थियो । सो तालिम माइक्रोसफ्टको टीम्स भन्ने एपको प्रयोगबाट भएको थियो ।
यो दुइ दिने तालिममा BSIV को गाडीहरुको प्राविधिक तथा सैद्धान्तिक ज्ञान विस्तृत रुपमा दिएको थियो भने निकट भविष्यमा आइरहेका BSVI गाडीहरुको भने परिचित कार्यक्रम रहेको थियो । यस अटो प्राविधिक प्रशिक्षण कार्यक्रममा ग्राहक सेवा विभागमा कार्यरत आधिकारिक सर्भिस सेन्टर र वर्कशपमा संलग्न प्राविधिकहरुले सहभागिता जनाउनु भएको थियो ।
छोटो सन्देश दिदैं सिप्रदी टाटा मोटर्स कमर्शियल गाडीका ग्राहक सेवा प्रमुख साम्देन लामाले भन्नुभयो,
“टाटा मोटर्सलाई धेरै धन्यवाद दिन चाहन्छु । म लगायत मेरो सम्पूर्ण टिमलाई यो लकडाउनको बेलामा समयको सदुपयोग हुनुको साथ साथ अब आउने प्रबिधीको बारेमा महत्वपूर्ण जानकारीहरु पनि प्राप्त भयो । ”
यसका साथै सिप्रदीले हालै सरकारद्वारा जारी गरिएको लकडाउनको नियम पालना गर्दै आकस्मित सेवा प्रदान गर्दै आएका सवारी साधनहरुको लागि २४सै घण्टा सेवा दिइरहेको छ । हालसम्म १६० आकस्मिक स्वास्थ्य सेवा तथा सुरक्षामा खटिएका सवारीसाधनहरु सेवा दिइ सकेको कम्पनीले जनाएको छ ।
केही परि आएको अवस्थामा १६६००१५५७७७ (NTC) वा ९८०१५७५७७७ (NCELL) मा सम्पर्क गरेर २५ स्थानबाट सेवाका लागि परिचालित कम्पनीको डेडिकेटेड अधिकारीहरूलाई फोन सम्पर्क गर्न सक्नु हुन्छ ।
