यान्त्रिक परिक्षण तथा सार्वजनिक यातायातमा जनचेतना मुलक अडियो विमोचन
28 September 2019
नेपाल यातायात व्यवसायी महासघं, लोत्से बहुउदेशीय प्रा.लि. तथा सिप्रदी ट्रेडिङ प्रा.लि.को संयुक्त आयोजनामा नयाँ बसपार्क गोङ्गबुमा यान्त्रिक परिक्षण सुभारम्भका साथै सार्वजनिक यातायातमा जनचेतना मुलक अडियो विमोचन कार्यक्रम सम्पन्न गरीयो । चाडपर्व विशेष शुभकामना आदानप्रदानका साथै सार्वजनिक यातायात र यात्राको सुरक्षाका लागि सो कार्यक्रमको आयोजना गरीएको हो । सिप्रदी ट्रेडिङ प्रा.लि.को विशेष पहलमा बसपार्कबाट छुट्ने लामो तथा छोटो दुरीका सवारीसाधन हरुको निशुल्क यान्त्रिक परिक्षण गरी सम्भावित दुर्घटना न्युनिकरण गर्नका लागि यस कार्यक्रमको आयोजना गरीएको हो ।
सो कार्यक्रममा बोल्नुहुदै सिप्रदी कम्पनिज्का प्रमुख कार्यकारी अधिकृत श्री राजनबाबु श्रेष्ठ ज्युले भन्नुभयो, “चाडपर्वहरुको समयमा सार्वजनिक यातायातको चाप बढ्ने हुदा सवारीसाधन र यात्रुहरुको सुरक्षित यात्राका लागि विभिन्न किसिमका ११ वटा निशुल्क यान्त्रिक परिक्षण गरी सेवा पुयाउन पाउँदा खुसी लागेको छ र आगामी दिनमा यस्तै किसिमका अन्य कार्यहरु मार्फत जोडिएर सेवा सुविधा पुयाउन प्रतिवद्ध छौँ” ।
बसपार्कमै रहेको टाटाको वर्कसप र मोवाइल भ्यान मार्फत सवारीसाधनको यान्त्रिक परिक्षण हुनेछ भने बाटोमा कुनैपनी समस्या देखिएमा मोवाइल भ्यान मार्फत सेवा उपलब्ध गराइनेछ ।